Seriali Xhabir

Pas shumë e shumë kërkesës për ta shtyrë nisjen e vuajtjes së dënimit prej tre vitesh, Gjykata Komunale e Kaçanikut lëshoi urdhërarrest për ish-kryetarin e kësaj komunë, Xhabir Zharkun. Por edhe këtë herë Zharku nuk do t’i bindej vendimi që burgu e pret. Ditën kur u desh veç ta nis dënimin, Zharku u zhduk pa asnjë gjurmë.

E vetmja herë që u bë i gjallë ishte kur ai vendosi ta dërgojë një letër për të gjitha mediat, në të cilën sqaroj gjithçka se pse nuk po i dorëzohet policisë dhe pse nuk po shkon në burg. Zharku në letër e shpall veten të pafajshëm.

Thuhej se Zharku është larguar për në Suedi, megjithatë një informacion i tillë gjithnjë ka qenë jozyrtar. Sidoqoftë, Gjykata bëri plan që nëse ky ish-kryetar nuk dorëzohet vet, atëherë do ta lëshojnë një fletarrest ndërkombëtar për të në faqen zyrtare të INTERPOL. Para se Zharku t’i ik burgut për shumë herë radhazi ai deponoi shumë kërkesa në Gjykatë me anë të cilave ia mundësoi vetes shtyrjen e nisjes së vuajtjes së dënimit.

Ish-kryetari i Kaçanikut, Zharku, është i dënuar me 3 vjet burgim për veprën penale të detyrimit dhe me 1 mijë e 500 euro gjobë për veprën armëmbajtje pa leje. Vendimi ishte marrë në prill 2011 nga Gjykata e Qarkut në Prishtinë, ndërsa ishte vërtetuar në maj të këtij viti, nga Gjykata Supreme.