Serena Leka, sipërmarrëse në fushën e bioteknologjisë, në Danimarkë

Serena Leka është doktoreshë shqiptare, sipërmarrëse në fushën e bioteknologjisë, pedagoge dhe kërkuese shkencore në Danimarkë.

Serena Leka ka përfunduar studimet Bachelor në degën Financë-Kontabilitet në Universitetin e Tiranës, ndërsa studimet Master në fushën e Menaxhimit Ekzekutiv në Universitetin Aarhus.

Aktualisht ndjek studimet e doktoraturës në Departamentin e Inxhinierisë Elektrike dhe Kompjuterike në Universitetin Aarhus të Danimarkës dhe prej 4 vjetësh, është lektore në po të njëjtin universitet, në lëndën “Applied Innovation in Engineering”.

Kujtojmë se Serena Leka është shqiptarja që u vlerësua me çmimin e parë në “Samitin Global të Inovacionit” për vitin 2019 në Kinë, transmeton albinfo.ch.

Në këtë Samit me rëndësi në fushën e sipërmarrjes dhe inovacionit, Leka përfaqësoi një kompani të re.

Realisht, prej vitit 2017 ajo është e angazhuar si manaxhere e projekteve në Departamentin e inxhinierisë dhe inovacionit në “Universitetin Aarhus” në Danimarkë.

Serena Leka aktualisht është menaxhere projektesh në departamentin e inxhinierisë dhe inovacionit në universitetin Aarhusit, një universitet lider në botë edhe në fushën biznesit dhe teknologjisë, fushë në të cilën Serena është diplomuar në nivelin master, transmeton tutje albinfo.ch.

Nga ana tjetër, thuhet se ajo është edhe mësimdhënëse në fushën e inovacionit pranë Departamentit të inxhinierisë.

https://www.albinfo.ch/serena-leka-sipermarrese-ne-fushen-e-bioteknologjise-pedagoge-dhe-kerkuese-shkencore-ne-danimarke/