Serbisë po i zvoglohet numri i banorëve, Presheva me natalitet pozitiv

Në Serbi çdo vit zvoglohet numri i banorëve për rreth 35.000 banorë apo “zhduket” një komunë si Negotini apo Prijepolja, njofton Instituti republikan i statistikave, transmeton presheva.com.

Natalitetin më të lartë në vitin 2015 e ka shenuar Tutini, Novi Pazari, Sjenica dhe disa komuna të Beogradit, ndërsa me natalitet më të ulët janë komuna Rekovac, Kniq, Golubac, Crna Trava dhe Varosh.

“Çdo vit numri i banorëve në Serbi zvoglohet për rreth 35.000 banorë, çka tregon se çdo vit zhduket një komunë me madhësi si të Negotinës apo Prijepoles” thuhet në njoftim të këtij instituti, transmeton presheva.com.

Nga numri i përgjithshëm i komunave dhe qyteteve, 169 gjithsejt, norma e rritjes së popullsisë në vitin 2015 ishte pozitive vetëm në shtatë komuna edhe atë në Surçin, Petrovaradin, Novi Sad, Sjenicë, Preshevë, Novi Pazar dhe Tutin.

Numri i banorëve i vlersuar për vitin 2015 ka qenë 7.095.383, numri i të lindurve ka qenë 65.657 ndërsa numri i të vdekurve 103.678, ku norma e rritjes së numrit të popullsisë ka qenë -38.021. /presheva.com/