Serbia po ringjall politikën e Millosheviçit ndaj Kosovës!

Lajmi se Serbia me qeverinë e Vuçiç po fillon ndërtimin 300 shtëpive për serbët në territorin e Kosovës, pa marrë kurrfarë leje për ndërtimin e tyre apo pyetur qeverinë e Kosovës, është thjeshtë një thyerje e sovranitetit territorial dhe shpalljen e agresionit ndaj Kosovës.

Kjo zgjon kujtimet e një politike kolonialiste të Millosheviçit ndaj Kosovës.

Edhe pse Kosova momentalisht qeveriset nga njerëz të pa aftë për të ruajtur sovranitetin territorial të saj, kjo mund të zgjojë iluzionin e qeverisë së Vuçiç për rikolonizimin e Kosovën.

Por mos të mendojnë se Kosova është e pa mbrojtur, përkundrazi.

Republikanët e Kosovës i bëjnë thirrje Qeverisë së Serbisë të mos luajnë me metodën e Millosheviçit ndaj Kosovës, sepse kjo do e dërgojë Serbinë larg BE-se dhe paqes në Rajon. Njëkohësisht ju kërkojmë qytetarëve serb në Kosovë, të mos bien preh e kësaj politike të dëmshme që mund të dëmtojnë marrëdhëniet e mira ndër-etnike në Kosovë.

Serbia duhet të mësojë njëherë e përgjithmonë nga e kaluara e saj ku agresioni gjithmonë ju “shpërblye ” me humbje thuhet në reagimin e Republikanëve të Kosovës, REK./rajonipress/