Serbia nuk mund ta pengojë Kosovën…

Anëtarësimi i Kosovës në organizata ndërkombëtare dhe përfaqësimi i saj në nisma rajonale, nuk mund të pengohet nga Serbia.

Të paktën kështu është shprehur zv. Ministri i Punëve të Jashtme, Petrit Selimi për RTK. Selmi ka theksuar se Kosova duhet ti ndjekë kushtet formale për anëtarësim.

“Serbia ka zero rol për pengimin e Kosovës që të jetë pjesë e organizatave ndërkombëtare. Ka pasur edhe tentativa të zhagitjes së procesit të anëtarësimit të Kosovës në organizata ndërkombëtare”, ka thënë Selimi.

Ai ka theksuar se nëse Serbia do ta pengonte Kosovën në procesin e anëtarësimit në organizata ndërkombëtare, atëherë kjo do të ishte shkelje e marrëveshjes për normalizimin e marrdhënieve që është arritur në mes të dyja shteteve./Indeksonline/