Serbia nuk heq dorë nga paramilitarët në veri

Serbia nuk e ka ndërmend ta shuajë formacionin “Mbrojtja civile” (Civilna Zastita srb.). Delegacioni serb në bisedimet e Brukselit ka shpjeguar para Qeverisë së Kosovës dhe lehtësuesve të dialogut se formacioni është themeluar nga komunat e veriut të Kosovës, andaj ekzekutivi në Beograd nuk mund të marrë përgjegjësi për shpërbërjen e tij.

Pozicioni e ka detyruar palën kosovare që të gjejë argumente shtesë, në mënyrë që formacioni të mos mbetet subjekt i diskutimeve me autoritetet lokale në veri.

Për Qeverisë e Kosovës, mbrojtja civile, pos që është organizim ilegal, është edhe formacion paraushtarak.

Pala kosovare ka arritur që ta rifusë në dialog çështjen e këtij formacioni veç kur ka prezantuar si argument ligjin e mbrojtjes së Serbisë, në të cilin ata e kanë futur krijimin e këtij formacioni, duke argumentuar kështu se vendimi për ta krijuar mekanizmin ka qenë i nivelit qendror të shtetit të Serbisë. /Tribuna/