Serbi Nemanja Vidiç, flet për Adnan Januzaj

Kapiteni i Manchester United Nemanja Vidic, ka deklaruar se është e domosdoshme që zhvillimi i Adnan Januzaj si një lojtar profesionist të menaxhohet me kujdes të shtuar.

Mungesat e shumta tek skuadra e David Moyes ka bërë që Adnani të ketë shumë hapësira dhe të tregojë kualitetet e tij, madje ai është lojtari më i mirë i Manchester United që nga fillimi i sezonit.

“Adnani ka bërë shumë ndeshje të mira,” u shpreh Vidic.

“Ai është një talent i madh dhe e ardhmja është para tij. Adnani është shumë i ri, vetëm 18 vjeçar, andaj mendojë se ne duhet të jemi shumë të kujdesshëm me të.”

“Nuk mund të presim më shumë nga ai, mendoj se menaxheri do të kujdeset për të.

Ai mund të përmirësohet ende dhe nuk dyshoj në aftësitë e tij,” tha Vidic.

“Që të jesh i suksesshëm në Manchester United ju duhet të luani çdo javë.

Kjo është sfida dhe arsyeja pse unë mendojë që duhet të jemi të kujdesshëm me lojtarë të rinj,” mbylli Vidic./VeqSport/