Senad Ramaj : Nuk sharritet dega në të cilën rri ulur

Gjilan – Sa i përket Kompanisë Eco-Higjiena, investimeve dhe problemeve të saja, për këtë është folur dhe përfolur më shumë sesa për vet marrëveshjen ndërshtetërore Kosovë-Serbi. Sa herë që në media Naser Korça përmend Eco-Higjienën kemi përshtypjen se në prag të derës kemi një fushat elektorale. Mbase është ashtu ?!

Që nga Viti 2016 e deri më sot Kompania Eco-Higjiena është duke pritur për të nënshkruar një marrëveshje për shërbime publike për mirëmbajtje të sipërfaqeve publike.

Drejtorisë së Shërbimeve Publike i janë ofruar modele të ndryshme nga Eco-Higjiena për të kryer këto shërbime në mënyrë të mirëfilltë dhe profesionale.

Mirëpo, të gjitha kanë dështuar sepse, mungonte vullneti dhe guximi i drejtorit të DSHP-ës për t`i implementuar ato. Nëse e reduktojmë vlerën e shërbimeve, ndërsa në anën tjetër e rrisim vëllimin e shërbimeve, si rezultat prezantohet kualiteti zhavell.

Në vend të punës profesionale, është zgjedhur modeli zhavell dhe punohet zhavellqe.
Që nga viti 2015 e deri më sot trumpetohet nëpër të gjitha mediat se nuk është përmbushur investimi i Marrëveshjes së PPP.

Nëse dikush ka menduar, se do t`i ipen tipave të ndryshëm 10 % , lirisht mund t`i fshijnë buzët për murriz. Ata tipa me mentalitetin e tyre, sfidojnë që nga viti 2012 Eco-Higjienën. Duhet të jetë dikush i pacipë dhe i paskrupullt për të kërkuar investime dhe përmbushjen e tyre në kondita të tilla.

Po të kishte dashur z. Korça të aprovonte Marrëveshjen e Mirëkuptimit, që aso kohe (2016) kërkohej nga GIZ dhe Moser –Group, sot secila amvisëri në Komunën e Gjilanit do të ishte e furnizuar me hedhurinar.

Projekti me kapital të siguruar për investim në vlerë pre 400.000 € , parashihte përveç hedhurinarëve (konteiner) edhe separimin e frakcioneve të mbetjeve si: letër, plastik dhe kanaqe metalike rregullimin e ishujve grumbullues dhe qendrën separuese.

Ai projekt siguronte vendet e punës dhe parashihte hapjen e vendeve të reja të punës në Komunën e Gjilanit. Projekti duhej të përfundonte këtë vit. Poashtu investimet e parapara në tregun e gjelbërt u refuzuan nga Komuna.
Nuk duhet të sharritet dega në të cilën rri i ulur, thotë një fjalë e urtë është shprehur Senad Ramaj./rajonipress/