Uji Dea

Seminar i madh i karatesë me 18 mars në qytetin e Gjilanit

/ 2 minuta lexim

Qyteti i Gjilanit të shtunën me 18 mars, duke filluar në ora 18:00 tek Shkolla Fillore “Thimi Mitko”, do të jetë nikoqirë i një seminari të karatesë. Një organizim të tillë e kanë bërë klubet e karatesë të Rajonit të Gjilanit, të dedikuar për kata me Sensein e mirënjohur nga Lugina e Preshevës, Bejar Fazliu “7dan”, i cili tani e një kohë të gjatë jeton e vepron në Shtetet e Bashkuara të Amerikës.

Mjeshtri i karatesë 4-Dan dhe Përzgjedhësi i karatesë së Kosovë për grupmoshat U-14 e trajner i KK “AS” nga Gjilani, Alban Beqiri lidhur me këtë seminar të karatesë ka theksuar. “Është nder i veçantë për ne që në mesin tonë do të jetë Sensein Bejar Fazliu “7 Dan”, i cili ka një karrierë tejet të pasur në sportin e karatesë.

Uji Dea

Ai do të mbanë një seminar të karatesë dedikuar për Kata andaj me shumë kënaqësi i ftoj të gjitha klubet nga Federata e Karatesë së Kosovës si dhe nga Lugina e Preshevës të marrin pjesë në këtë seminar tejet interesant, pasiqë kemi të bëjmë me një njeri i cili tërë karrierën e tij ja ka kushtuar këtij sporti luftarak”.

Pjesëmarrja për të gjithë karateist do të jetë falas.