Selmanaj për vettingun: Po u vije fundi dembelëve e të korruptuarave, vizat do të hiqen

Zëvendëskryeministri Driton Selmanaj bashkë me ministrin e Drejtësisë, kanë prezantuar raportin e grupit punues për procesin e vettingut, raporton Ekonomia Online.

Selmanaj tha se janë munduar që si Qeveri të përshtatin një modalitet të duhur.“Po kurorëzojmë një punë të shkëlqyer që ka bë grupi punues. Ky dokument ka pas të përfshirë një numër të madh të sistemit të drejtësisë dhe tash e kemi një dokument shumë përmbajtjesor”.“Ne si Qeveri jemi munduar shumë dhe tash na mbetet që të vendosim për një nga modalitetet që janë të përshtatshme për Kosovën”.

Ai poashtu tha se me këtë proces po iu vije fundi dembelëve dhe të korruptuarve në sistemin e drejtësisë. Madje ai tha se edhe liberalizimi i vizave do të ndodh pas këtij procesi, raporton EO.

“Po i vije fundi dembelëve brenda sistemit të drejtësisë, të korruptuarve që deri tash kane pas çasje të papërgjegjshme”.“Organet e drejtësisë deri tash nuk kanë arrit që të bindin popullin. Dhe ne besojmë që do të kemi vlerësim pozitiv nga mekanizmat ndërkombëtar dhe vizat do të hiqen shumë shpejt”.