Selmanaj i kërkon Kurtit t’i ndalë militantët që po u bëjnë presion me sms deputetëve të LDK’së

Në një grup në ‘facebook’ të afërt me Lëvizjen Vetëvendosje janë publikuar numrat e telefonave të të gjithë deputetëve të Kuvendit të Kosovës. Në atë grup është kërkuar që t’iu dërgohen mesazhe të gjithë deputetëve që të mos e votojnë mocionin për rrëzimin e Qeverisë.

E 113 mesazhe të tilla kanë shkuar në adresë të deputetit të LDK’së, Driton Selmanaj.

Për një gjë të tillë ka treguar vetë ai në fjalën e tij në Kuvendin e Kosovës, duke i kërkuar Kurtit që të ndalë propagandën që po bëhet nga militantët te Vetëvendosjes.

“Z.kryeministër ndaleni propagandën, 113 sms-a i kam marrë deri tash. Edhe prej zvicrës kanë nis mem ardhë mesazhe”, ka thënë Selmanaj, raporton Gazeta Express.

Ai ka treguar se në këto mesazhe i është thënë ‘mos ma vjedh votën’./Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).