Selmanaj: BE-ja duhet të merret seriozisht me pretendimet për komplotin ndaj Limajt

​Përfaqësuesi i Institutit Demokratik të Kosovës, Driton Selmanaj, ka kërkuar që sa më shpejt të zbardhet e vërteta për rastin ‘Kleçka’, shkruan Epoka e Re. Ai ka thënë se BE-ja duhet të merret seriozisht me pretendimet për përfshirjen e EULEX-it në komplotin ndaj Limajt.

Sipas tij, prolongimi i këtyre çështjeve vetëm sa do ta rrisë mosbesimin ndaj EULEX-it dhe do ta dëmtojë imazhin e BE-së.

Selmanaj ka thënë se Presidenca, Kuvendi dhe Qeveria do të duhej të kishin një reflektim politik, së paku të kërkonin nga institucionet përkatëse ta zbardhin të vërteten lidhur me rastin ‘Kleçka’.

Presidentja ka reaguar dhe ka bërë mirë, është e çuditshme pse institucionet e tjera po heshtin”, ka thënë Selmanaj.