Selimi: Amnistia serbe ishte grackë për shqiptarët

Ish i burgosuri politik nga Lugina e Preshevës, Halim Selimi, vlerëson se Ligji për amnisti i miratuar nga Kuvendi i Kosovës, dallon shumë nga ai i miratuar nga shteti i Serbisë.

Sipas tij, përderisa ligji për amnisti në Kosovë ka për qëllim faljen e personave që kanë kryer vepra të ndryshme në dëm të shtetit të Kosovës, ai i Serbisë ka shërbyer si karrem për përndjekjen dhe arrestimin e ish luftëtarëve të UÇPMB-së.

Në një intervistë për Tribunën, Selimi ka shtruar pyetjen se si ka mundësi që shteti serb kërkon amnisti për qytetarët në veri, përderisa Hashim Thaçi akoma është i përndjekur nga Interpoli me kërkesë të Serbisë ( Tribuna).