Sekretari amerikan i forcave detare: Ushtria jonë do ta ndihmojë FSK-në

Sekretari amerikan i forcave detare, Ray Mabus i cili po viziton Kosovën, në një konferencë për media ka deklaruar se SHBA mirëpret zgjerimin e rolit të marinsave amerikan me FSK-në. “Ushtria jonë do të jetë e përkushtuar për bashkëpunim me FSK-në. Mirëpresim zgjerimin e rolit të marinsave amerikan me FSK-në. Marinsat tanë janë të shkëlqyeshëm dhe se bashkëpunimi do të jetë në nivel”, ka deklaruar Mabus, shkruan zeri.info.

Ndryshe, sekretari amerikan i Forcave Detare dje ishte edhe në Bosnje dhe Hercegovinë, në kuadër të një vizite zyrtare në vendet e Ballkanit.

“Ne jemi të angazhuar për të garantuar sigurinë dhe stabilitetin në Bosnje dhe Hercegovinë dhe në rajonin e Ballkanit”, tha Mabus.