Sejdiu: Kurti nuk ia jep Limajt postin e kryeparlamentarit

Opinionisti Dardan Sejdiu, ka thënë se lideri i Vetëvendosjes Albin Kurti, nuk do t’ja japë postin e kryeparlamentarit, kreut të Nismas Socialdemokrate, Fatmir Limajt.

Këtë deklaratë ai e dha në emisionin Rubikon në Klan Kosova.

“Është mjeshtër për të krijuar përshtypje se mund të kesh marrëveshje me të. Por, esencialisht, ai nuk bën marrëveshje”, deklaroi ai njofton Klankosova.tv.

Kryeministri në detyrë, Albin Kurti ka dhënë detaje në lidhje me takimin me kreun e Nismës Socialdemokrate, Fatmir Limaj.

Në një konferencë për media të mbajtur sot, ai tha se kanë shprehur interesimin dhe gatishmërinë për të bashkëqeverisur me Nismën.

Kurti gjithashtu u shpreh se ka bërë një ofertë konkrete për këtë subjekt politik, por për të, siç tha ai do të flas kur këto bisedime të përmbyllen me rezultatin final.

“Kemi shprehur jo vetëm interesimin, por edhe gatishmërinë për të bashkëqeverisur me Nismën Socialdemokrate”.

“Në përputhje me këtë unë kam bërë pak a shumë edhe një ofertë konkrete për Nismën Socialdemokrate në mënyrë që gjithçka të përmbyllet sa më shpejt e sa mirë dhe ta kemi konistituimin e Kuvendit dhe Qeverinë e re”.

“Mirëpo kur këto bisedime të përmbyllen me rezultatin final, atëherë do të mund të flasim për hollësitë e përmbajtjes së saj”, u shpreh tutje Kurti.