Sejdiu: Kujdes me “korrigjimin e kufijve” dhe Serbinë!
RajoniPress
22:55, 25 Shkurt, 2019
Ish-presidenti i Kosovës, Fatmir Sejdiu, ka thënë se Kosova duhet të ketë kujdes lidhur me idenë e “korrigjimit të kufijve” me Serbinë.
“Serbia nuk është shtet që fal asgjë, është shtet që dëshiron të grabisë, prandaj me këtë (korrigjimi i kufijve v.j.) duhet të kemi kujdes”, ka thënë Sejdiu, për RTK3.
Ai është shprehur se Kosova nevojë për relaks marrëdhëniesh me Serbinë, por asnjëherë nuk duhet të rrëshqitet sipas interest të Serbisë.
Sipas tij, qëllimi i Serbisë është për të kompremetuar suksesin që e ka pasur Kosova, si shpalljen e Pavarësisë, opinionin e GJND-së…
Sejdiu i ka parë si pozitën ashtu edhe opozitën me përgjegjësi karrshi proceseve nëpër të cilat po kalon Kosova.
“Në një vend janë përgjegjës edhe pozita e edhe opozita për mbarëvatjen e çështjeve dhe politikave shtetërore. Respektimi i Kushtetutës duhet t’i bashkojë të gjithë”, ka thënë ai.
