Së shpejti me album të ri

Aktualisht këngëtarja Shyhrete Behluli është e angazhuar në përgatitjen e albumit të ri, i cili së shpejti do të jetë në duar të adhuruesve. Pasi është duke bërë një punë të madhe në këtë projekt, ajo pretendon se albumi do të pëlqehet në publik.

Sipas Shyhretes, albumi do të përmbajë tetë këngë, ku gjashtë prej tyre janë këngë të reja të padëgjuara deri më tani, ndërsa dy të tjera janë këngë të ripërpunuara.

“Jam duke punuar albumin e ri të cilin nuk e kam emëruar ende, por jemi në përfundim të tij. Këngët kanë tematika të ndryshme dhe besoj se do t’i pëlqejë publiku”, ka thënë ajo për “Zëri”.

Sa i përket zhanrit të këngëve, do të ketë disa balada dhe zhanre popullore ritmike. Shyhretja është munduar që në këtë album të realizojë këngë për të gjitha shijet e dëgjuesve.

Këngët janë të përgatitura nga Ilir Berani, Alban Fortuna, Fatos Canolli etj. Ndërsa sipas Shyhretes, albumi do të lansohet bashkë edhe me një videoklip, të cilin ajo do ta punojë me produksionet vendore.