S’e kemi pritur: Kosova i nis kualifikimet e Botërorit me humbje të turpshme
RajoniPress
23:13, 5 Shtator, 2025
| 11 muaj më parë
Kombëtarja e Kosovës e ka pësuar një humbje të thellë në xhiron e parë të kualifikimeve për Kampionatin Botëror të vitit 2026.
“Dardanët” u mposhtën thellë nga Zvicra në Bazel, me shifrat prej 4-0.
Fillimisht, serinë e golave e hapi Manuel Akanji në minutën e 22-të, pas një goli të shënuar me kokë.
Më pastaj, pas tri minutave, golin e radhës për 2-0 e shënoi Breel Embolo.
Për 3-0, rrjetën e golit e gjeti Widmer, i cili shënoi në minutën e 40-të.
Në sekondat e fundit të pjesës së parë, Breel Embolo doli përsëri në skenë për golin e katërt të ndeshjes.
Kështu u mbyll edhe pjesa e parë, teksa pjesa e dytë prodhoi më pak raste të mira shënimi.
Zvicra i kishte dy përmes Embolos – një e ndali Arijanet Muric, teksa tjetrën e shndërroi në gol, mirëpo u anulua shkaku i offside.
Kosova tashmë është e fundit në grupin B, pas xhiros së parë. E para është Zvicra.
Ndeshjen e ardhshme, Kosova e luan në shtëpi ndaj Suedisë, më 8 shtator./GazetaExpress/
