Scarlett Johansson fiton dëmshpërblim afro 70 mijë dollarë

New York – Scarlett Johansson duhet të marrë një kompensim me vlerë afro 70 mijë dollarë për shkak se fotografitë e saj pothuajse lakuriq, u shfaqën në internet. Fotografitë nga kompjuteri i saj privat i vodhi Christopher Chaney.

Aktorja amerikane ka paditur Christopherin duke u bazuar në atë që ia ka rrezikuar privatësinë asaj. Gjyqi është caktuar për 23 korrik, ndërsa shumën që Scarlett do të duhej ta marrë është 66 719 dollarë. Hakeri i njëjtë është futur në kompjuterin e këngëtares Christina Aguilera.

Megjithatë, shuma që ajo mori ishte shumë më e ulët, 7 500 dollarë.

Hakeri i njohur këtë herë me shumë gjasa do të përfundojë në burg, ku do të duhet të vuajë një dënim prej 71 muajsh. Deri më tani ai ka hakuar 51 fytyra të famshme.