SC Gjilani rikthehet tek fitorja
RajoniPress
17:11, 6 Prill, 2024
Gjilan – Skuadra e Gjilanit ka shënuar fitore të rëndësishme kundër Fushë Kosovës me rezultat 4:0, në xhiron e 28-të të Superligës së Kosovës në futboll.
Në ndeshjen e zhvilluar në Gjilan, pjesa e parë u mbyll me rezultat 0:0.
Në pjesën e dytë, djelmoshat e Gentjan Mezanit, treguan një fytyrë tjetër duke shënuar 4 gola.
Gjilani kaloi në epërsi me golin e shënuar nga Roganoviq në minutën e 52-të.
Epërsinë për vendasit e dyfishoj Oltion Bilalli në minutën e 60-të.
Ndërsa, rezultatin në 4:0 e vulosi sulmuesi Senad Jaroviq me dy gola të shënuar.
Me këtë fitore, Gjilani ngjitet ne pozitën e shtatë me 30 pikë, një pike më shumë se Feronikeli e cila gjendet në pozitën e tetë pozitë qe dërgon në barazh, por skuadra nga Drenasi ka një ndeshje më pak të zhvilluar.
