SC Gjilani përforcohet me tre futbollist
RajoniPress
22:04, 31 Janar, 2021
Qëndrim Dautaj, Ardin Dallku dhe Drin Govori, janë futbollistët të cilët sot kanë nënshkruar kontrata me skuadrën e SC Gjilanit.
Për Qëndrim Dautajn do të jetë një rikthim në skuadrën e Gjilanit, me mesfushorin i cili së fundmi u paraqit në fanellën e skuadrës së Vëllaznimit nga Gjakova.
Ardhja tjetër në skuadrën e Gjilanit është Ardin Dallku, i cili pozitën e tij e ka mbrojtës qendre, mirëpo ai gjithashtu luan edhe si mbrojtës i krahut. Dallku në skuadrën e Gjilanit vije nga kampionati i Maqedonisë së Veriut, ku kishte luajtur në skuadrën e Shkëndisë nga Tetova.
26 vjeçari, Ardin Dallku, paraqitje kishte bërë edhe në kampionatin Ukrainas me Vorskla Poltavën, ku ishte paraqitur për 3 edicione dhe gjithashtu me Përfaqësuesen e Kosovës, ku ka 2 paraqitje me fanellën Dardane.
Përforcimi tjetër i skuadrës së eshtë mbrojtësi i majtë Drin Govori.
Govori 21vjeç para se të nënshkruante me skuadrën e Gjilanit ishte pjesë e Skëndërbeut në Shqipëri. Govori është futbollist i dalur nga shkolla e futbollit të 2 Korrikut, ku karrierë ka bërë nëpër disa skuadra brenda Kosovës.
