SC Gjilani nuk qëndroi deri në fund

Gjilan – Skuadra e Gjilanit është mposhtur nga Llapi me rezultat 2:0, në ndeshjen e xhiros së 15-të në Superligën e Kosovës në futboll.

Skuadra nga Podujeva dy golat i shënoj në fund të ndeshjes. Goli i epërsisë u shënua në minutën e 84-të.

Pas një kundërsulmi të shpejtë, Januzi bëri pasim të saktë për Valmir Veliun që realizoi për 1:0. Veliu gjuajti saktë, ndërsa topi shkoi pranë këmbëve të portierit të Gjilanit.

Në minutën e 93-të, Januzi asistoi për Muhamet Hysenin, që shënoi gol të bukur me goditje parabolë për 2:0.

Gjilani me këtë humbje renditet i shtati me 14 pikë nga 14 ndeshje./rajonipress/