SC Gjilani në gjumë të thellë dimëror

Në stadiumin e qytetit në Gjilan në derbin e javës së 17-të, Gjilani ka pësuar humbje ndaj Prishtinës me rezultat 0-3.

“Bardhëkuqet” e Gjilanit edhe njëherë dëshmuan se janë në një krizë të thellë si të rezultateve po ashtu edhe të lojës gjatë 90 minuta.

Në ndeshjen e sotme në tribuna ishte ish-trajneri i Gjilanit nga Vlora, Gentjan Mezani, i cili para sa ditësh kishte dhënë dorëheqja nga gjilanasit. Në tribuna u pa edhe trajneri Bylbyl Sokoli se a ka diçka në mes Gjilanit dhe trajnerit Sokoli pritet në ditët në vazhdim për tu parë.

Për skuadrën e Gjilanit njiherit ishte humbja e katër me radhë, dhe është për tu befasuar me një fond kaq të pasur të futbollistëve gjatë 90 minutave vetëm një herë kanë rrezikuar portën e portierit Haxho, e këtë e bëjnë në minutën e 68-të, kur Qyrbja godet nga 18 metra por portieri Haxho ja mohon golin.

Futbollistët e Prishtinës me plot meritë e fituan këtë derbi, “Kryeqytetasit” golin e epërsisë e shënojnë në minutën e 42-të, Krasniqi harkon e me kokë kapiteni Kastrati në vend të dëbon topin jashtë zonës ai mposht portierin e tij Koliqin me kokë duke shënuar autogol.

Tre minuta më vonë në atë 45-të, Makenda harkon nga e djathta e më së miri gjendet Leotrim Kryeziu, i cili nga afërsia shënon në portën e Koliqit për të realizuar në 0-2.

Goditjen vendimtare musafirët e bëjn në minutën e 83-të, Veliu shkakton faull ndaj Makendën brenda 16-metërshit, duke shkaktuar penalti të cilin e realizon Fabian Lilaj për rezultatin 0-3.

Pas ndeshjes trajneri i Prishtinës, Zekirja Ramadani, ka deklaruar.
“Futbollistët dhanë maksimumin në këtë fushë të vështirë, ndeshjen e menaxhuam mirë dhe kur nuk pëson ndihesh mirë, këtë fitore ja dedikojmë kapitenit tonë i cili dje pati një lëndim në stërvitje”.

Ndërsa trajneri i Gjilanit Sallah Sherifi nuk u prononcua lidhur me ndeshjen.

Në javën e 18-të, Gjilani takohet me Besën në Pejë./rajonipress/