SC Gjilani i’a bën “bajat” skuadrës Ruse, i tregon se është nga shteti i pavarur Kosova

SC Gjilani sot ka zhvilluar ndeshjen miqësore me skuadrën Ruse te Ligës së dytë, Yenisy Krasonyarsk, duke ngadhënjyer me rezultat 1-0 me golin e shënuar nga futbollisti boshnjak Darko Nikaç.

Me skuadrën Ruse lindi një problem ashtu siç jemi mësuar tani, skuadra Ruse e konsideroj SC Gjilanin skuadër e cila vjen nga shteti i Serbisë, por për një gjë të tillë “bardhekuqët”, reaguan ashpër duke kërcënuar me ndërprerje të ndeshjes.

Gjilanasit kërkuan që skuadra e tyre të pranohet që i takon shtetit të Kosovës e jo Serbisë, ashtu siç ishte e nënshkruar në kontratë.

Njeriu i parë i SC Gjilanit, Florim Zuka, lidhur me këtë incident ka deklaruar.
“Jemi mësuar nga sllavo-rusét që shtetin e pavarur të Kosovës mos ta njohin dhe të bëjnë probleme, nuk e di a e kanë bërë me vetëdije apo pa vetëdije, por ne e detyruam qe skuadrën tonë ta njohin si skuadër të shtetit të pavarur të Kosovës dhe për këtë jam i lumtur dhe po tregojmë se skuadra jonë është profesioniste me futbollist e staf të mrekullueshëm”./rajonipress/