Satirike, Vuçiqi në Bujanoc
RajoniPress
08:51, 10 Shkurt, 2019
Nga Sevdail Hyseni
Kur erdhi Vuçe në Bujanoc,
Desh i ngeli në fyt një koc..!
Me të kaluar nëpër Levosojë,
Nuk e foli një fjalë me gojë!
Mendon nga t’ia filloj fushatës,
Këndej, apo matanë autostradës?!
Të hamendësohej s’e shihte të udhës,
E ardhmja e Serbisë, matanë hekurudhës.
Struket ngadalë me shumë kusuritje,
Nuk sheh shtëpi, që s’është në shitje!
Mosni vëllezër serbë, lutet presidenti,
Qëndroni këtu, mos ikni nga vendi!
Kjo është vatra Juaj, çështje më intime,
E hapim kuletën për shumë investime.
Tek fliste Vuçiqi ndër serbët lokalë,
Shkëlqente premtimi sall elektoral.
Korrigjim kufiri – do të ketë garant,
I gjithë Bujanoci gjendet në ankand!
Sevdail Hyseni
