Sarri kërkon ta marrë Hysajn te Lazio

Maurizio Sarri mund të ribashkohet me dy lojtarë të Napolit nëse ai merr detyrën në Lazio, pasi Elseid Hysaj dhe Nikola Maksimovic janë agjentë të lirë.

Burime të shumta konfirmojnë që Sarri është në prag të nënshkrimit të kontratës dy-vjeçare me Lazion, me vlerë 3.1 milionë euro për sezon plus bonuse.

Sipas TuttoNapoli.net, Sarri do të ribashkohet me dy lojtarë, kontratat e të cilëve te Napoli do të skadojnë më 30 qershor.

Mbrojtësi shqiptar Hysaj, i cili mund të luajë në të djathtë ose të majtë të mbrojtjes dhe qendërmbrojtësi Maksimovic janë të dy në dispozicion si agjentë të lirë.

Kjo gjithashtu do të lejojë Lazio të mbajë ulur kostot e strategjisë së transferimit, si dhe të sjellë lojtarë që tashmë i kuptojnë taktikat e Sarrit.