Saqipi: Nderon me Mirënjohjen “Urdhri i trimërisë”, veprimtarin nga diaspora Skender Jusufin

Sot, në Bujanoc, në zyrën e Shoqërisë Civile, në emër të Këshillit Organizativ të Mobilizimit të dhunshëm në Tërnoc, gjatë fushatës ajrore të NATOS-s në Serbi në mënyrë solemne, Zëvendës Reis-l-Ulema Nexhmedin ef. Saqipi, i cili njëherit është edhe kryetar i kësaj organizate joqeveritare, pati kënaqësinë ta nderoj me Mirënjohje “Urdhri i trimërisë”, veprimtarin e devotshëm të çështjes kombëtare dhe humanistin e njohur nga diaspora Skender Jusufin.

Gjatë këtij takimi u evokuan dhe u rikujtuan ngjarjet e tmerrshme para 23 vitesh (23 e 24 prill të vitit 1999), kur në Tërnoc, Ushtria ish jugosllave beri dëbimin nga shtëpitë e tyre me dhunë, duke u dërguar te vendi i quajtur “Zidi” mbi Tërnoc, pa dallim moshe e gjinie: fëmijë, pleq, gra e burra, të sëmurë e të paralizuar, si dhe shpërndarjen e ftesave për mobilizimi të dhunshëm gjatë fushatës ajrore të NATO-s.

Gjithashtu, në këtë takim ishte i pranishëm edhe Xhelal Mehmeti, një aktivist i hershëm humanist në diasporë në kuadër të Fondit Humanitar të Kosovës Lindore, i cili së bashku me Skender Jusufin, rrëfyen për veprimtaritë e shumta atdhetare dhe humanitare nëpër periudha të ndryshme kohore.

Madhështinë e këtij takimi e shtoi edhe prania e drejtoreshës së Shoqatës së Gazetarëve “Etika” nga Presheva, Ardita Behluli, e cila me profesionalizëm e drejton mediumin elektronik më të shikuar në rajon Blic Lajm, njofton Jetapress.