Saqipi: Me përvjetorët e BIPMB-së, institucionit më të lartë fetar në mbrojtjen dhe avancimin e të drejtave të myslimanëve në shkallë vendi dhe rajoni

Saqipi: Me përvjetorët e BIPMB-së, institucionit më të lartë fetar në mbrojtjen dhe avancimin e të drejtave të myslimanëve në shkallë vendi dhe rajoni.

Zëvendës Reisi iRijasetit të Bashkësisë Islame në Serbi, Nexhmedin Saqipi, me rastin e 19 vjetorit të themelimit të Bashkësisë Islame për Preshevë, Bujanoc dhe Medvegjë (BIPMB), ka shprehur urimet më të sinqerta për institucionin më të lartë fetar në mbrojtjen dhe avancimin e të drejtave të myslimanëve në shkallë vendi dhe rajoni.

“Sot, pikërisht, më 21 janar, mbushen 19 vjet, që kur është themeluar Bashkësia Islame për Preshevë Bujanoc dhe Medvegjë, ky institucion i vetëm i pavarur në rajonin e Preshevës Bujanocit dhe Medvegjës, i cili vepron si subjekt juridik mbi baza të normave dhe parimeve Islame që nga viti 2003, thuhet në mesazhin urues të z/Reisit Nexhmedin Saqipi.

Në vazhdim z/reisi Saqipi, ka përmendur se gjatë këtyre 19 vitesh, ka zhvilluar një varg aktivesh të rëndësishme për jetën fetare në këtë rajon, duke u avancuar në shkallë të Rijasetit të Bashkësisë Islame në Serbi, me zëvendës kryetarin dhe delegatët e Kuvendit të saj nga Lugina e Preshevës. Të gjitha aktivitete janë zhvilluar pa ndihmën financiare të institucioneve lokale dhe qendrore, në bazë të donacioneve të njerëzve vullnetmirë.

Në këtë drejtim shton, në telegramin e urimit rreth përvjetorit të BIPMB-së, janë zhvilluar disa takime të rëndësishme të nivelit të lartë si brenda vendit, ashtu edhe ne rajon, duke përcjell mesazhin e paqes, tolerancës, mirëkuptimit dhe fqinjësisë së mirë, pa dallime të përkatësisë kombëtare dhe fetare. Po ashtu. Në kuadër të aktiviteteve të larmishme është arritur që të organizohet mësimi i lëndës fetare, të angazhohen një numër i madh punëtorësh arsimor, si dhe të rregullohet stazhi i imamëve. Përpos këtyre aktiviteteve, duhet përmendur edhe tërheqjen nga posti i kryetarit të BIPMB-së, Nexhmedin Saqipi, duke krijuar një klimë uniteti mes klerikëve fetarë të ndarë nëpër disa organizime fetare, njofton Portali Jetapress.

Shpërndaje.
© RAJONIPRESS