Sami Hoxha i përgjigjet Jakup Berishës: Ekskursioni ka kaluar procedurat ligjore

Gjilan – Sami Hoxha i është përgjigjur akuzave të Jakup Berishës se në tenderin e nxënësve të Gjilanit ka pasur parregullsi. Hoxha tha se të gjitha procedurat janë zbatuar në këtë rast.

Sami Hoxha në përgjigjen e tij ka thënë se është zbatuar në përpikëri Udhëzimi Administrativ 18/2014, për aktivitete jashtëshkollore. Janë zbatuar të gjitha procedurat e rregullta ligjore. Komisioni prej tre anëtarësh ka zgjedhur Agjensionin në përputhje me gjitha kriteret e konkursit, të nxjerra nga UA-18/2014.

Hoxha tutje ka thënë se ekskursioni është realizuar suksesshëm nga 22-27.09.2015.

Nxënësit kanë qenë shumë të lumtur gjatë këtyre 6 ditëve udhëtimi me Agjensionin “Sharr Travell”, të vendosur në Kompleksin “FAFA”, te Mali i Robit- Durrës-Shqipëri.
Për të gjithë ata që kanë dilema lidhur me procedurën e ekskursionit të nxënësve, dyert e gjimnazit i kanë të hapura në çdo kohë për sqarime duke u nisur nga individë, këshilltar komunal, kompani, agjensione e Prokurori ka thënë drejtori i shkollës Sami Hoxha./rajonipress/