Sallahi nën urdhrat e Guardiolas
RajoniPress
17:09, 28 Qershor, 2013
Edhe pse Xherdan Shaqiri mungoi në stërvitjen e parë të Pep Guardiolas me Bayern Munchen aty ishte tjetër kush që prezantoi shqiptarët. Talenti i ri 19-vjeçar që luan për skuadrën B të ekipit bavarez, Ylli Sallahi, ishte në mesin e futbollistëve që ushtruan me teknikun spanjoll.
Ylli Sallahi është nga Skenderaj, ndërsa disa muaj më parë ai kishte zgjedhur përfaqësuesen e Austrisë para asaj të Shqipërisë.
Mesfushori ofanziv Sallahi ka kaluar te Bayerni nga skuadra austriake Kapfenberg, një herë si huazim, ndërsa vitin e kaluar ai kishte nënshkruar kontratë të përhershme deri në vitin 2015./zeri/
