Sahatqija: Në Bruksel na paralajmëruan, nëse shkojmë në zgjedhje shtyhet për 1 vit procesi i integrimeve

Deputetja nga radhët e LDK-së, njëherit edhe kryetare e Komisionit për Integrime Evropiane, Teuta Sahatqija në emisionin “Rrokum Roll” të TV Rrokum ka folur për bisedimet në Bruksel dhe situatën aktuale.

“Na siguruan që nuk do të kërkojnë më raporte për procesin e liberalizimit të vizve dhe se ky është i fundit”, tha deputetja Sahatqija, duke folur pas vizitës që kishte në Parlamentin e Evropian.

Në pyetjen se a do të ketë zgjedhje këtë vit, Sahatqija tha se ndërkombëtarët ia kanë kujtuar vitin 2014, ku Kosova për gjashtë muaj pati bllokadë politike.

“Na thanë se nëse mbahen zgjedhjet, shtyhet për 1 vit procesi i integrimeve. Ne e dimë çfarë do të thotë kur një rezolutë e keqe kalon, mjafton me u kujtua rezoluta e Dick Marty’t”, u shpreh deputetja, lidhur me kalimin e rezolutës së Serbisë në Këshillin e Evropës.

Ajo përmendi si suksese ne rrugën drejt integrimit evropian zhvillimin ekonomik, kthimin e emigranteve, luftën kundër terrorizmit.

Për procesin e liberalizimit te vizave, deputetja tha se pritet qe këtë vit te liberalizohen, por pa theksuar ndonjë date.