Sadriu: Liderët e Luginës nënë e kanë Shqipërinë, babë Serbinë

Drejtuesi i Partisë Liberal Demokrate (PLD) këshilli në Preshevë, Kujtim Sadriu, sot në profilin e tij zyrtar në facebook ka akuzuar liderët e partive politike shqiptare se që 23 vite merren me mashtrime dhe asgjë tjetër.

Ai në fotografinë e shpërndarë të kryeministrit të ndjerë Zoran Gjingjiq, ka bashkangjitur shkrimin duke theksuar se ky ka qenë njeriu me propozim serioz për zgjidhjen e problemeve në Luginë të Preshevës.

“Ky sekret tregon se liderët e Luginës përplot 23 vite janë marrë me mashtrime dhe asgjë tjetër. Pikërisht liderëve tanë kjo i vjen sikur t’ia shkëputësh zemrën nga trupi, për shkak se marrin para të majme nga ky shtet”, shkruan Sadriu i cili drejton partinë e liberalit Çedomir Jovanoviq, transmeton Titulli.

Ai deklaratën e tij e përfundon me fjalinë: “Liderët e Luginës çdo herë kanë deklaruar se nënë e kanë Shqipërinë, por nuk kanë deklaruar se baba e kanë Serbinë./Titulli.com/