Sadriu, Faniqi dhe Zahiri zgjidhen asambleistë në komunën Opfikon-Glattbrugg

Qëndresa Sadriu, Taulant Faniqi dhe Ibrahim Zahiri zgjidhen si ansambleistë në komunën e Opfikon-Glattbrugg, ndërsa Shaban Haliti zgjidhet në Bordin Drejtues të Shkollave, shkruan Sadriu në rrjetet sociale.

Gjatë zgjedhjeve të sotme (15 prill) komunale në Opfikon-Glattbrugg, është një shqiptare nga Gjilani që është rizgjedhur si ansambleiste në Kuvendin Komunal. Bëhet fjalë për Qendresa Sadriu, e cila është njëherësh edhe kryetare e Partisë Social Demokrate për komunën ku garonte, shkruan albinfo.ch. Krahas Sadriut, si ansambleist janë zgjedhur edhe Taulant Faniqi, Ibrahim Zahiri, ndërsa Shaban Haliti në Bordin Drejtues të Shkollave, shkruan albinfo.ch.

“Kjo është një fitore e madhe për etablimin e komunitetit shqiptar në organet shtetërore legjislative zvicerane.”

Qëndresa Sadriu që nga mosha 18-vjeçare në mënyrë aktive merret me politikë. Në zgjedhjet komunale të marsit 2014 Qëndresa kishte siguruar një vend në Kuvendin Komunal të Glattbrugg-ut, kurse po atë vit ajo hyri në kryesi të SP-së. Në tetor 2015 ajo garoi për deputete në parlamentin e Zvicrës, por nuk u zgjodh pavarësisht se fitoi 65 mijë vota.

Sadriu, Faniqi dhe Zahiri zgjidhen asambleistë në komunën Opfikon-Glattbrugg

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).