Sadiku shënon supergol për Mersinin

Loret Sadiku ka vazhduar shkëlqimin në kampionatin turk.
Ylli i Përfaqësueses së Kosovës, është ndër lojtarët më të mirë në kampionatin turk në pozitën e qendërmbrojtësit dhe mbrëmë ka arritur edhe të shënoj gol.

Loreti shënoi në sfidën Kayseri Erciyesspor – Mersin që përfundoi në barazim 2-2, dhe falë golit të kosovarit që e shënoi në fund të ndeshjes.

Po rjedhte minuta e fundit e ndeshjes kur Sadiku mori një top të kthyer nga bashkëlojtari i tij dhe goditi fuqishëm për ta mposhtur portierin vendas.

Ky është goli i dytë për Loretin në kampionatin turk në 26 ndeshje të luajtura, ndërsa vlera e tij tani sillet rreth pesë milionë euro./Telegrafi/