Sadiku ndërron skuadër

Një tjetër shqiptar largohet nga Zurichu pas Berat Gjimshitit, por kësaj here në formë huazimi.Armando Sadiku u transferua te Vaduzi deri në fund të sezonit.

Sulmuesi 24-vjeçar që është nën kontratë te Zurichun deri në qershor të 2018 do të ndihmojë për këto kohë skuadrën nga Lihtenshtejni për t’i shpëtuar rënies.

Armando Sadiku te Vaduzi do të gjejë një tjetër shqiptar, sulmuesin e ri Albion Avdijaj, i cili u afrua gjatë verës.

Sadiku është aktivizuar edhe me skuadra të tjera në Zvicrës si Locarno dhe Lugano.

Këtë sezon ai ka realizuar 5 gola në 14 ndeshje në Superligën e Zvicrës.