Sadik Haxhiu kandidat i PDK-së nga Vitia

Gjilan – Në listën e fundit që ka publikuar Këshilli i Përgjithshëm i PDK-së tash ndodhet edhe Sadik Haxhiu kandidat i PDK-së nga Vitia. Haxhiu tha për rajonipress se ka besim të plotë se do të jetë fitues pasiqë elektoratin e ka ngjallur dhe kryesisht ka përkrahje nga shtresat intelektuale.

Sadik Haxhiu kryetar i degës së PDK-së në Viti edhe zyrtarisht është kandidat për deputet nga ky qytet raporton rajonipress.

Haxhiu zyrtarisht hyri në listën e fundit të PDK-së pas pakënaqësive që rrodhën edhe nga komunat e tjera. Haxhiu për rajonipress tha se kandidimi im është një përgjegjësi ndaj elektoratit dhe beson shumë se do të jetë fitues.

“Unë besoj shumë se do të fitojë sepse kam elektorat i cili është i etur për të pasur në Parlamentin e Kosovës njeriun e dijes e të shkencës. I kemi ngjallur nëndegët dhe jemi ngjallë e jemi mjaft të organizuar edhe si degë. Kam elektorat të shumtë në Anamoravë dhe gjetiu dhe përgatitja ime akademike është një përgatitje dhe parakusht që unë besoj në rezultat inkurajues dhe pozitiv” tha Haxhiu për rajonipress.

Ndryshe Sadik Haxhiu aktualisht është dekan në AAB, profesor në Universitetin Publik të Gjilanit dhe senator në UP./rajonipress/