Këngëtari i mirënjohur i skenës shqiptare, Sabri Fejzullahu, ka publikuar projektin më të ri muzikor.
“Kallem” titullohet kënga e tij, të cilën e ka kompletuar edhe nga ana vizuale.
Tekstin dhe muzikën e ka realizuar Kreshnik Avdiu, teksa për orkestrimin është përkujdesur Drinor Zyberaj.
Projektin tashmë mund ta gjeni në kanalin zyrtar, YouTube, dhe besohet se do të mirëpritet nga fansat e artistit Fejzullahu.
Përkundër viteve dhe karrierës së bujshme profesionale, ai vazhdon të jetë tejet aktiv dhe i angazhuar si në muzikë e po ashtu edhe në koncerte të ndryshme.
Ai javën e kaluar festoi ditëlindjen e 72-të, me mbi gjysmë shekulli karrierë, ndërsa mbetet shumë i kërkuar gjithandej.
