Sabit Rrustemi paraqitet me librin “Stina e meseleve II”

Gjilan – Libri i dytë me mesele “Stina e meseleve II” i Sabit Rrustemit dëshmon për interesin e autorit që ta lërojë edhe këtë fushë të prozës popullore sepse serioziteti i tij në krijimtarinë poetike tashmë është dëshmuar me dhjetëra vepra të arrira ka shkruar Sherafedin Kadriu redaktor i librit.

Sabit Rrustemi krijues dhe autor i shumë librave të dëshmuar tashmë ka nxjerr në dritë edhe librin e dytë me mesele të titulluar “Stina e meseleve II”.

Rrustemi i pasionuar dhe i dhënë pas meseleve të moçme ofron për lexuesit materiale të shumta të mbledhura nga goja e popullit.

Ndryshe redaktori i librit Sherafedin Kadriu ka thënë se Karadaku është i pasur me krijimtari popullore, e dëshmi më e mirë është kjo tufëz meselesh, rrëfimet e së cilës e kanë përplotësuar dhe tejkaluar, jo vetëm si volum “Stinën..I”.

Sipas Kadriut këto mesele sikur qëndrojnë në mes të tregimeve popullore dhe anektodave derisa të rëndësishme mbeten bëmat e personazheve të meseleve.

Libri “Stina e meseleve II” pritet të promovohet më 10 gusht në Gjilan./rajonipress/