Sabile Sahiti kandidon për asambliste në Këshillin Komunal në Bruchsal

Shqiptarja, e cila jeton dhe vepron në Gjermani, Sabile Sahiti, ka shpallur kandidaturën për asambliste në Këshillin Komunal në Bruchsal, shkruan albinfo.ch.

Ajo do të kandidojë për postin e ansamblistes dhe pret mbështetje nga bashkatdhetarët që kanë një jetë aktive në Gjermani.

“Me besimin se një aktivist politik vepron kudo ku punon e banon, dua t’ju njoftoj se kam vendosur të kandidoj për postin e asamblistes në Këshillin Komunal në Bruchsal. Unë i përkas të majtës me bindje, ndaj u bashkohem social-demokrateve gjermane. Besoj se integrimi ynë në politikën evropiane duhet të zhvillohet edhe në nivelin e veprimtarisë politike të partive gjermane dhe më gjerë. Kështu ne mund të sjellim në Gjermani të vërtetën tonë dhe njëherësh të përvetësojmë përvojën afatgjatë të demokracisë evropiane”, është shprehur ajo.
https://www.albinfo.ch/sabile-sahiti-prezanton-kandidaturen-per-ansambleiste-ne-keshillin-komunal-ne-bruchsal/