Sa vjet do të nevojiten për t’u anëtarësuar në BE? Kurti në Pragë tregon objektivin

Kryeministri Albin Kurti e dorëzoi te Presidenca Çeke e Bashkimit Europian, aplikimin për anëtarësimin e Kosovës në BE.

Kurti tregoi se sa vjet u janë nevojitur shteteve tjera për t’u anëtarësuar në Union, ndërsa theksoi se nëntëvjetëshi është objektiv real për Kosovën, raporton Gazeta Express.

“Një mesatare prej nëntë vjetësh është reale për Republikën e Kosovës”, tha Kurti në konferencën e përbashkët për shtyp me ministrin çek për Çështje Europiane, Mikuláš Bek.

“Letra që e kam sjellë bartë shpresat dhe ëndrrat e qytetarëve tanë që kanë punuar me shumë zell për të arritur në këtë ditë”, tha kryeministri i Kosovës.