Sa shqiptarë të Kosovës jetojnë në Zvicër

Senati Zviceran ka miratuar marrëveshjen për pensionet e kosovarëve, ku një numër i madh i qytetarëve nga Kosova që kanë punuar në Zvicër do të përfitojnë.

Zvicra ka diasporën më të madhe të shqiptarëve të Kosovës pas Gjermanisë. Në Zvicër jetojnë rreth 112,000 persona me shtetësi kosovare.

Megjithatë, numri i njerëzve që vijnë nga shteti më i ri i Evropës është shumë më i madh.

Sipas një studimi nga Zyra Federale e Statistikave në vitin 2015, gati 250,000 njerëz e shpallën gjuhën shqipe si gjuhë të tyre kryesore, ku shumica prej tyre nga Kosova, përcjell tutje albinfo.ch.

Zvicra ka njohur Republikën e Kosovës më 27 shkurt 2008 dhe themeloi marrëdhëniet diplomatike dhe konsullore me Kosovën.

Që atëherë, Zvicra dhe Kosova kanë lidhur marrëveshje bilaterale në shumë fusha.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).