Sa njohje i ka Kosova?

Numri i shteteve që e kanë njohur Kosovën mund të jetë pyetje për 1 milion euro në secilin kuiz dhe askush nuk do të mund të japë përgjigje të saktë.

Përzierja e disa aktorëve në procesin e shtimit të numrit të njohjeve dhe format e njohjes së shtetit të Kosovës nga vende të ndryshme, ka shkaktuar konfuzion së pari brenda Qeverisë së Kosovës e pastaj edhe tek organet apo organizatat joformale që e përcjellin me vëmendje numrin e shteteve që e njohin pavarësinë e Kosovës.

Ministria e Punëve të Jashtme e cila do të duhej të ishte adresa e parë ku një qytetar informohet për numrin e njohjeve që ka shteti, është treguar e “përmbajtur” në azhurnimin e listës së shteteve njohëse. Në uebfaqen e kësaj ministrie, te rubrika e shteteve që e kanë njohur pavarësinë e Kosovës, figurojnë vetëm 96 njohje.

Sipas MPJ-së njohja e fundit që ka ardhur në Kosovë është ajo nga Saint Kitts dhe Nevis më 28 nëntor të vitit 2012 (tribuna).

Shpërndaje.
© RAJONIPRESS