Sa i mirë Ujkani

Samir Ujkani po kalon nëpër një formë shumë të mirë. Në fakt, pas një periudhe të vështirë nëpër të cilën kaloi muajve të fundit, portieri kosovar ka dal sërish në dritë, duke u bërë shumë i rëndësishëm për skuadrën e tij, Palermo.

Reprezentuesi i Shqipërisë po shkëlqen në Serie B, dhe është njëri prej më meritorëve që skuadra e tij kryeson renditjen. “Jam në formë shumë të mirë. Besimi i klubit dhe trajnerit ndaj meje është shumë i madh. Ndërsa, besimin e tyre unë po mundohem ta shpaguaj në fushë”, tha Ujkani për gazetën Arena.

“Në ndeshjet e fundit kam pasur paraqitje shumë të mira, për çka kam marr komplimente. Tani mua më mbetet të vazhdoj kështu”, theksoi ai.

Skuadra e Ujkanit prinë në renditje e Serie B me 41 pikë, e ndjekur furishëm nga Empoli. Por, ‘gardiani’ kosovar beson se skuadra e tij do ta ruajë këtë pozicion deri në fund të edicionit…(Tribuna – Arena).