S’ pari herë këngën e nisa
RajoniPress
00:06, 30 Maj, 2018
Nga Demir Krasniqi
S’ pari herë këngën e nisa –
Tu i ruajt delet nën do lisa !
Kënga maleve seç jehonte –
Edhe shpendët i gëzonte !
Kur i ruaja dhentë kah sana –
Këndoja këngët që mi mësoj nana !
Kur i ruaja dhentë nën taraba –
Këndoja këngët që mi mësoj baba !
Kur i ruaja dhentë kah pllaja –
Këndoja këngët që mi mësoj daja !
Kur i ruaja dhentë kah kodrat –
Këndoja këngët që mi mësuan motrat !
Kur i ruaja dhentë kah ahu –
Këndoja këngët që mi mësoi vëllau !
Kur i ruaja dhentë kah leblebijat –
Këndoja këngët që mi mësuan bijat !
Kur i ruaja dhentë kah pusat –
Këndoja këngët që mi mësuan mësuesat !
Kur i ruaja dhentë kah hambarët –
Këndoja këngët që mi mësuan arsimtarët !
Kur i ruaja dhentë nëpër molla –
Këndoja këngët që i mësuam te shkolla !
Kur i ruaja dhentë nëpër përpjetësa –
Këndoja këngët që i mësuam për festa !
Kur i ruaja dhentë kah gurrat –
Këndoja këngët që mi mësuan burrat !
Kur i ruaja dhentë kah dushqit –
Këndoja këngët që mi mësonin krushqit !
Kur i ruaja dhentë rreth malit –
Këndoja këngët e kavallit !
Kur i ruaja dhentë rreth pyllit –
Këndoja këngët n’ melos t’ fyellit !
Kur i ruaja dhentë rreth sheftelisë –
Këndoja këngët e çiftelisë !
Kur i ruaja dhentë n’ lugje t’ Meshinës –
Këndoja këngët e mezhnicës !
Kur i ruaja dhentë rreth Kullës –
Këndoja këngët n’ melos t’ surles !
Kur i ruaja dhentë te kroi i Hutës –
Këndoja këngët e lahutës !
Kur i ruaja dhentë rreth plepit –
Këndoja këngë t’ defit e t’ qejfit !
Kur ruaja dhentë rreth Hanit –
Këndoja këngët e tupanit !
Kur i ruaja dhentë Obërshinës –
Këndoja këngët e violinës !
Kur i ruaja dhentë rreth ahut –
Këndoja këngët për maje krahut !
Kur i ruaja dhentë n’ breg t’ Zharit –
Këndoja këngën e Isuf Hajdarit !
Kur i ruaja dhentë rreth kodrës –
Këndoja këngën e Sen Rugovës !
Gjilan, më 15.05.2018.
Demir Krasniqi
