Ajo është bërë nënë për herë të dytë në muajin qershor.
Dhe Ryva Kajtazi ka kohë që po përflitet për fizikun e saj atraktiv, duke qenë se kanë kaluar vetëm pak muaj nga lindja.
Kjo është vërejtur më së miri në një postim të fundit që ka ndarë, në të cilin shfaqet e veshur me një fustan të kuq të prerë anash.
Biondja, e cila numëron 153 mijë ndjekës në Instagram, duket në formë të mahnitshme.
Madje, kjo ka bërë që të komplimentohet në masë të madhe edhe nga fansat e miqtë që mban në këtë rrjet të popullarizuar.
Duket se Ryva këtë kohë i është përkushtuar mjaft shumë vetes, meqenëse befasoi me pamjet e fundit.
Në anën tjetër, Kajtazi ka kohë që nuk ka qenë aktive me projekte muzikore ndërsa ka filluar të përgatitet për xhirimet e Vitit të Ri. /Telegrafi/
