Ryva Kajtazi e ka incizuar këngën e re, në janar do ta kompletojë me klip

Viti që po lëmë pas ishte i veçantë për Ryva Kajtazin, e cila është bërë nënë.

Këngëtarja solli në jetë një vajzë që e pagëzoi me emrin Dorela.

Vajza e saj tash është tetëmuajshe, ndërsa vet Ryva thotë se i ka ngjarë më shumë bashkëshortit.

Shtatzënia dhe sjellja në jetë e fëmijës ka bërë që këngëtarja të tërhiqet paksa nga muzika.

Ndërsa gjatë një interviste për Prive, Ryva ka treguar për planet e rikthimit në skenë.

Ajo ka thënë se ka përgatitur këngën e re për festat e fundvitit, me të cilën ka marrë pjesë në xhirimet festive.

Ryva ka thënë se planifikon që pas Vitit të Ri t’ia realizojë një klip kësaj kënge, ndërsa më pas do të incizojë edhe një këngë tjetër që po ashtu do ta shoqërojë me video muzikore. /Telegrafi/