Russell: Korrupsion në të gjitha institucionet

Korrupsioni në Kosovë është një sistem i shtrirë në të gjitha institucionet. Ai është vështirë të luftohet nga vetë institucionet, kështu që qytetarët duhet ta luftojnë duke e raportuar dhe duke mos u bërë pjesë e saj. Kështu ka thënë të martën përfaqësuesi i UNDP-së në Kosovë, Andrew Russell, gjatë një ligjërate në kolegjin “Universum” në Prishtinë. Ai kërkoi nga studentët që të raportojnë çdo rast korruptimi që ata hasin apo dëgjojnë.

“Korrupsioni në Kosovë është një sistem i shtrirë pothuajse në të gjitha institucionet”, tha Russell para studentëve duke e rikonfirmuar gjendjen alarmante të këtij fenomeni me të cilin po ballafaqohet Kosova.

Sipas Rusell, Agjencia Kundër Korrupsionit, Këshilli Gjyqësor dhe Këshilli Prokurorial i Kosovës, si dhe akterë të tjerë kanë rol të rëndësishëm në luftimin e korrupsionit në Kosovë, por janë qytetarët instrumenti më i rëndësishëm për luftimin e korrupsionit në Kosovë./zeri/