Rubin: Thaçi në Rambuje tha se nëse se përdor fjalën ‘pavarësi’, do të konsiderojnë që kam hequr dorë

James Rubin po vazhdon dëshminë në Gjykatën Speciale, duke folur për konferencën e Rambujesë.

Ai tha se në atë kohë nuk mund të bënin deklarata për pavarësinë e Kosovës.

“Ideja ishte qe nuk mund të bëheshin deklarata specifike për pavarësinë dhe ky ishte thelbi i diplomacisë, për këtë po diksutohetj në rambuje. Ne donim që fuqitë e mëdha të punonin së bashku, jo vetëm SHBA… Albright donte sa më shumë unanimitet te shtetet e mëdha. Ne nuk kishim një qëndrim të qartë sa i përket pavarësisë, na duhej një kompromis që të kalonim në fazën e radhës ku të kishim gjithë botën në anën tonë që serbët të pajtoheshin me marrëveshjen e paqes.”

“Ai na tha se nuk mund të na thoshte ne po pa pasur një deklaratë specifike për pavarësinë, sepse ai duhej të diskutonte me komandantët e UCK. Personat që kërkonin pavarësinë e Kosovës ishin maksimalistë, i donin të gjitha”, tha ai.

“Ne përpiqeshim të gjenim një mes të artë”, shtoi ai.

Rubin më pas tha se Thaçi i tha që nëse nuk e përdor fjalën pavarësi do ta konsiderojnë si njeri që ka hequr dorë nga pavarësia.

“Ai na tha po nuk përdora fjalën pavarësi, atëherë mua do të më konsiderojnë si njeri që ka hequr dorë nga pavarësia e vendit. Ishte një moment shumë i vështirë”, tha Rubin. /GazetaExpress/