Rubin e zbuloi në Hagë se Haradinaj ka bashkëpunuar me CIA, kreu i AAK: E kam bërë në shërbim të vendit
RajoniPress
22:08, 15 Shtator, 2025
| 10 muaj më parë
James Rubin, i cili gjatë kohës së luftës në Kosovë ka qenë ndihmëssekretar amerikan i Shtetit, ka dëshmuar sot në rastin e Hashim Thaçit dhe ish-krerëve tjerë të UÇK-së në Hagë.
Ai ndër tjerash ka thënë se në vitin 1999 ka kuptuar për komunikimin e Ramush Haradinajt me CIA-n, duke shtuar se “ky komunikim kishte ekzituar ndër vite”.
Për këtë është pyetur kryetari i AAK-së Ramush Haradnaj, duke thënë se këtë e ka bërë në shërbim të vendit.
Ai ka shtuar se dëshmia e Rubin e ka peshën e vetë pozitive në procesin e gjykimit të ish-krerëve të UÇK-së nga Gjykata Speciale.
“I gëzohemi komunikimit me institucionet e Amerikës, sidomos me ato të sigurisë. Unë e kam bërë në shërbim të vendit tim çdo herë”.
“Nga përvoja ime që kam pasur në procese kjo dëshmi është me tregu edhe kontekstin e luftës, profilin e personalitetin e z. Thaçi dhe të tjerëve nuk mundet me u anashkalu. Kjo dëshmi e ka peshën e vet për të mirë”, ka thënë Haradinaj. /Gazeta Express
