Rrustem Mustafa: Mos llogarisni në votat e VV’së, PDK po përgatitet për koalicion me LDK’në

Anëtari i Kryesisë së PDK’së, Rrustem Mustafa, ka shkruar se askush nuk duhet të llogarisë në votat e Partisë së Albin Kurtit pasi Vetëvendosje është parti ndryshe prej të tjerave.

Sipas tij, Vetëvendosje do të udhëheq me Qeverinë në një të ardhme jo të largët derisa tash e sheh të pamundëshme një bashkëqeverisje me VV’në për shkak të programit dhe bindjeve majtiste.

Në këtë situatë, Mustafa ka parashikuar se shumë shpejt do të ndërtohet koalicioni mes dy partive më të mëdha në Kosovë PDK-LDK.

“PDK po përgatitet për koalicion te madh që mundet me udhëheqë vendin drejt prioriteteve te rëndësishme, dhe proceseve europiane!! Këtë do e bëjmë duke u siguruar që edhe opozita të jetë funksionale dhe zhvilluese. Pres shpejt të kuptohemi në mes vete PDK-LDK”, ka shkruar Mustafa.

Lexojeni reagimin e Rrustem Mustafes-Remit

Qeveria që po vjen do të duhej të mbajë për prioritet: sigurinë, edukimin dhe zhvillimin!

Spekulimet se “BLLOKU” ka numrat 63, plus minoritetet që garanton kushtetuta ne koalicion janë te deshiruara, por i shoh si krejt të pa mundura. Askush besoj nuk do duhej të llogarisë në votat VV ngase ata qartë tani mendojnë ndryshe nga të gjitha partitë, edhe nga PDK.

VV po punonë që të udheheq me Qeverinë në të ardhmen jo te largët, ata tani kanë profilin dhe mendimet e qarta politike ndryshe nga të tjerët, kush do qe deshiron koalicion me ta duhet tu bindet mendimeve te programit majtiste…

PDK po përgatitet për koalicion te madh që mundet me udhëheqë vendin drejt prioriteteve te rëndësishme, dhe proceseve europiane!!

Këtë do e bëjmë duke u siguruar që edhe opozita të jetë funksionale dhe zhvilluese.
Pres shpejt të kuptohemi në mes vete PDK-LDK.
BASHK MUNDEMI !!